VOV4.Jarai -  Hơjan na nao amăng hơdôm hrơi rơgao hmâo ngă lŏn tơhlom, ia tơhroh ƀơi sa dua ară jơlan hăng ia lip ƀơi sa dua bit anih pơ̆ tơring čar Daknông. Rơđah biă ñu, ƀơi tơring glông Krông Nô, glông jơlan 4B, črăn găn nao să Quảng Phú hmâo na nao lu anih anom lŏn tơhlom ƀơi hơdôm kơdư gah taluy dương, amra ƀu pơhlôm ƀơi jơlan nao rai. Jơlan 28, črăn găn plơi Phú Thuận, să Quảng Phú hmâo ia prong lip dơlăm. Ia ling dăo đĭ prong ăt ngă lip mơn ƀơi kual tơdrông toa găn ia čroh hnoh Dăk Sôr, să Nam Xuân.

Ƀơi tơring glông Dak Glong, ƀơi jơlan pơ̆ să Dak Som nao pơ̆ să Dak R’măng, črăn găn ƀôn B’Dơng, să Dak Som, hmâo lŏn tơhlom ataih rơbêh kơ 60m. Tơlơi tơhlom lŏn ngă tơnap hăng amra dô̆ hơnong mơn. Ƀơi hơdôm kual ia ling lip, lŏn tơhlom, hơdôm anih anom ƀơi Daknông hmâo hlă hnal lăi pơtă huĭ rơhyư̆t, pơpha khul mơnuih dô̆ gak, pơtô brơi mơnuih, rơdêh găn nao rai pơhlôm klă. Khul gơgrong bruă anai ăt gơgrong hlâo pel ĕp mơn hơdôm kual amra ia ling lip, ia ling kor, lŏn tơhlom jơlan gah ba đuăi mơnuih, gơnam tam kiăng pơhlôm klă./.

Siu H’ Prăk: Pô pơblang