VOV4.Jarai-Hơjan kơtang sui hơdôm hrơi rơgao, ngă kơ lu anih amăng tơring čar Lâm Đồng ia ling dăo kơtang. Ƀơi să Hiệp An, tơring glông Đức Trọng, hơjan sui hrơi, ia hơjan blai mơ̆ng hlao ia, ngă ling dăo pơ kual gah tơkai truh pơ plơi Định An, K’Ren hăng plơi Tân An ia ling dăo kơtang.

Hơjan prong, ia pơ hlao adih rô trun ngă lu anih să Hiệp An, tơring glông Đức Trọng ia ling dăo

Yua ia đĭ kơtang mơ̆ng sa met truh sa met mơkrah, lu hmua đang mơnuih ƀôn sang amăng kual ia dong mlĕp. Ƀu kơnong ƀơi să Hiệp An ôh, hơjan sui hrơi lu anih, ăt ngă ia pơ drai Kam Ly đĭ kơtang, ling dăo lu bit anih amăng să Hiệp Thạnh, tơring glông Đức Trọng hăng hơdôm anih pơ tơring glông Lâm Hà.

Ƀơi anăp kơ tơlơi tơnap ayuh hyiăng ngă, anom bruă git gai pơhlôm pơgang tơlơi truh lŏn adai ngă mơ̆ng dêh čar lăi pơthâo tơring čar Lâm Đồng hơdră bong glăi tơlơi truh ječ ameč ƀơi kual ia krông hơmâo drai ia Kam Ly; ĕp hơdră pơdŭ đuăi mơnuih ƀôn sang hăng dram gơnam mơnuih ƀôn sang đuăi mơ̆ng anih hŭi rơhyưt, nao dŏ pơ anih rơnuk rơnua hloh.

Nay Jek: Pơblang