VOV4.Jarai - Kơnong amăng 1 wơ̆t hrơi tơjuh đôč, plơi prong Buôn Ma Thuột, tơring čar Dak lăk hơmâo čih pioh lu mơnuih ƀă kman ƀu thâo hơmâo mơng hơpă, gơñu nao rai ƀơi lu anih biă. Lăp đing nao hloh lĕ anih hơmâo klin arăng phrâo ƀuh ƀơi să Čư̆ Êbur hăng 17 čô mơnuih. Ƀơi anăp tơlơi hŭi rơhyưt anai, mơnuih apăn bruă mơng plơi prong Buôn Ma Thuột ječ ameč guang dar, hyu ĕp ƀing dŏ jê̆ hăng mơnuih ruă, laih anun pơgăn hlao hơdôm anih hơmâo mơnuih ƀă klin. Mơng tlam lơ 22/8 să Čư̆ Êbur guang dar laih plơi ÊBông hăng 10 anih dŏ gak. Laih dong pơčrang kman hmar brơi ană plơi. Lơ 23/8, amăng mrô rơbêh 1.500 čô hơmâo pơčrang kman ƀơi ƀuôn ÊBông, hơmâo 17 čô mơnuih ƀă kman SARS-CoV-2. Tơdơi kơ hmư̆ hing, amăng lơ 23/8, Jơnum min mơnuih ƀon sang plơi prong Buôn Ma Thuột brơi mă yua tơlơi pơčrâo trun mrô 16 ƀơi să Čư̆ Êbur. Tui anun, kơnong amăng 8 hrơi, mơng lơ 16/8 truh lơ 23/8, plơi prong Buôn Ma Thuột hơmâo 28 čô mơnuih ƀă kman Covid-19 ƀơi 4 bit anih.

Anih dŏ gak pơgăn mơnuih nao rai ƀơi ƀuôn ÊBông

Siu H’Mai: Pơblang