VOV4.Jarai - Hơmâo laih mơnuih ƀă djuai kman pơphih mă Omicron blung a ƀơi Việt Nam. Tơlơi pơhing anai hơmâo măi wai lăng tơlơi ruă yua klin ngă Việt Nam lăi glăi tui hăng tơlơi lăi pơthâo mơng Sang ia jrao Kơnuk kơna Ling tơhan 108 lăi pơhmư̆ kơ Ding jum ia jrao. Lơ 19/12/2021, Sang ia jrao Kơnuk kơna Tơhan 108 čơkă pơjrao brơi sa čô tuai đĭ rơdêh por QH9028 mơng dêh čar Anglê glăi pơ Việt Nam. Test lăng ƀơi tơdron rơdêh por ƀă klin SARS-CoV-2. Yua pô anai glăi mơng Anglê, amăng lơ 20/12/2021, Sang ia jrao hơmâo pơčrang gene SARS-CoV-2 kơ pô anai hăng boh thâo phrâo, tơdơi kơ anun arăng đing đăo ƀă djuai kman Omicron. Anai lĕ pô ƀă kman Omicron blung a ƀơi Việt Nam, jing mơnuih mơng čar rơngiao mut rai hơmâo ba pơčlah, wai lăng hmao tlôn mơng hrơi mut rai mơtăm yơh. Ding jum ia jrao brơi thâo glăk krăp lăng dong mơn tơlơi pơplih phrâo mơng klin Covid-19 lăi hrŏm hăng bruă ƀă djuai kman Omicron lăi hơjăn. Laih dong, pơtă kơ mơnuih ƀon sang kiăo tui tơlơi pơtrun pơgang klin Covid-19 hăng tlâ̆o djŏp ară vaccine.

Siu H’Mai: Pơblang