VOV4.Jarai-Khua dêh čar phrâo kĭ hră pơtrun djop ding jum, anom bruă, tơring čar pơgang rơnuk rơnua hơđong rô nao rai ƀơi jơlan glông amăng bơyan ngă yang thun phrâo, ngă yang mơ̆ng djuai ania ta čơkă thun 2022, jing Tết anăn Nhâm Dần hăng lu tơlơi jơnum ngă yang mơak thun 2022.

Hră kông điên pơtrun hiăp kơ Jơnum min wai lăng tơlơi rơnuk rơnua jơlan  glông dêh čar, djop ding jum, anom bruă gơnong dlông, djop tơring čar, ƀôn prong anom bruă khul grup kơđi čar, mơnuih mơnam mut phung ngă tui tơlơi git gai pơtô lăi, pôr pơthâo tơlơi pơkă mơ̆ng tơlơi phiăn kơnuk kơna, pơtô brơi hơdră pơhlôm tơlơi rơnuk rơnua jơlan glông laih anun pơhlôm pơgang klin Covid 19 brơi mơnuih ƀôn sang thâo; pơphun tal hyu tir, sem lăng, pơsir tơlơi soh rô nao rai ƀơi jơlan glông mơ̆ng lơ 15/12/2021 truh abih lơ 14/2/2022;

Dăp hơdră pơkă kơ bruă pơdŭ pơgiăng gơnam pioh mơak čơkă ngă yang thun phrâo gêh găl; sem lăng tơlơi rơnuk rơnua hơđong djop ring bruă jơlan glông, tơdrông tua, bơnư̆ pơkong ia, gơnam yua mă bruă, ia jrao gun hăng drah pioh pơjrao tơlơi duăm ruă, sit hơmâo mơnuih ruă nuă rơka rơkač rơdêh pơjrom, pơhrŏ hĭ mrô mơnuih răm ƀăm amăng jơlan glông rơdêh pơjrom.

Nay Jek: Pơblang