VOV4.Jarai-Ƀrô djơ̆ hrơi yua kơ mơnuih ƀun rin Việt Nam lơ 17/10, Khua dêh čar kĭ hră pơtrun ječ ameč rơkâo ƀing Khua ding jum, Khua anom bruă bơkơnar ding jum, anom bruă gah kơnuk kơna dêh čar, ƀing khua mua git gai ping gah tơring čar, ƀôn prong, khua jơnum min mơnuih ƀôn sang djop tơring čar, ƀôn prong gah gơnong dlông:

Pơtum git gai, pơčrâo trun ngă tui tŭ yua jơlan hơdră, bruă mă, hơdră pơsir lui rơmŏn kŏn rin; gleng nao, wai lăng ba klă hloh mơnuih ƀun rin, mơnuih tơnap tap, mơnuih tơdu awăt amăng phung mơnuih mơnam, boh nik ñu mơnuih ƀun rin bơbeč djơ̆ mơ̆ng tơlơi truh lŏn adai ngă, klin kheng Covid 19; Ăt mă yua prăk mơ̆ng kơnuk kơna hăng jak iâu djru mơ̆ng mơnuih mơnam bơwih brơi kơ bruă pơhrŏ tơlơi ƀun rin, mơnuih ƀun rin, pơgang ba hơđong tơlơi hơdip mơda mơnuih ƀôn sang.

Ding jum Bruă mă Tơhan rơka hăng Mơnuih mơnam ngă hrom djop ding jum, anom bruă, djop tơring čar pok pơhai tañ hơdră pơtrun mơ̆ng dêh čar brơi pơhrŏ ƀun rin hơđong kjăp.

Nay Jek: Pơblang