VOV4.Jarai - Khua dêh čar ta phrâo hơmâo hră pơtrun mơ-it hơdôm ding jum, gơnong bruă “Kơ kơtưn hơdôm hơdră ječ amăng pơgang apui ƀong glai”. Hră pơtrun rơkâo Khua Jơnum min mơnuih ƀon sang tơring čar, ƀôn prong kiăng ječ ameč git gai, pok pơhai hơdôm hơdră ječ anun lĕ: Ngă tui khut khăt amăng bruă wai lăng pơgang apui ƀong glai; pel ĕp, kiăo tui lăng bruă pơgang apui ƀong glai hăng lăng anai lĕ bruă akŏ phun; pel ĕp glăi tơhan, măi mok, gơnam tam, prăk kak kiăng kơ mă yua tui hơdră “pă mơta ha anih”; pơpha tơhan dŏ gak tơhrơi kah hăng mlăm amăng bơyan không phang; pơdong anih wai gak, hyu tir ƀơi hơdôm anih amuñ apui ƀong glai; hmao tlôn ĕp ƀuh, ba tơhan nao prah apui tañ hloh, anăm brơi apui ƀong lar hyu djop anih; kiăng kơ hơmâo hơdră prap lui ba đuăi mơnuih lơ̆m kiăng; kơtưn pơtô pơblang kiăng kơ mơnuih ƀon sang thâo rơđah, gơgrong amăng bruă pơgang apui ƀong glai.

Siu Đoan: Pơblang