VOV4.Jarai - Khua dêh čar phrâo ngă hră kơ bruă pơđĭ tui hơdră rơnuk rơnua pơgang klin Covid-19. Amăng anun, Khua dêh čar kiăng Khua Jơnum min mơnuih ƀon sang hơdôm boh tơring čar, plơi prong gah Gơnong dlông, Khua ding jum, Khua git gai anom bruă dưm kơnar hăng Ding jum, anom bruă yua Kơnuk kơna wai lăng kiăng thâo rơđah hăng ngă tui klă tơlơi git gai mơng Ding jum kơđi čar, Grup khua apăn bruă Ping gah, Kơnuk kơna, Khua dêh čar, Anom bruă git gai pơhlôm pơgang klin Covid-19 hăng pơtô ba, pơkôl bruă pơgang klin mơng Ding jum ia jrao hăng pran jua mă bruă kơjăp, khut khăt, tŭ yua đah mơng dưi ngă dua mơta bruă hrŏm hrŏm. ngă tui klă hơdră pơgăn, hơmâo ƀuh, brơi pơčlah, pơgăn anih hơmâo klin, pơjrao tơlơi ruă. Biă ñu kiăng kơđiăng ngă tui tơlơi pơtrun dŏ pơtaih nao rai, pơgăn anih hơmâo klin; ƀu brơi pơgăn prong gah rơngiao mơ̆ wai lăng tơdu amăng lăm; khŏm ngă klă bruă djru brơi gơnam ƀong, gơnam yua kơ ană plơi amăng anih guang dar, anih pơčlah. Mă yua hơdră pơgang klin hăng abih bang mơnuih rai mơng anih hơmâo klin tui tơlơi pơtrun.

Siu H’Mai: Pơblang