VOV4.Jarai - Tơring čar Lạng Sơn pơsit hrŏ trun prăk duh ƀơi hơdôm amăng jang, hrŏ trun prăk duh găn nao rai ƀơi amăng jang Tân Thanh kiăng kơ djru brơi hơdôm anom bơwih ƀong sĭ mơdrô. Truh ră anai, abih bang rơdêh  pơgiăng gơnam tam nao pơ tač rơngiao dŏ đom glăi ƀơi amăng jang tơring čar Lạng Sơn lĕ 4.200 boh rơdêh, amăng anun hơmâo rơbêh 2.900 boh rơdêh pơgiăng boh troh, đom glăi lu hloh ƀơi amăng jang Tân Thanh.

Hrŏ trun lu prăk duh kiăng kơ djru brơi anom bơwih ƀong sĭ mơdrô rơdêh pơgiăng gơnam glăk đom ƀơi amăng jang

Ƀơi anăp kơ tơlơi anai, kiăng kơ djru brơi hơdôm anom bơwih ƀong sĭ mơdrô hăng mơnuih mơgăt rơdêh, tơring čar Lạng Sơn pơsit hrŏ trun prăk duh ƀing mơgăt rơdêh lơm ƀă klin Covid-19 hăng tŏ tui hrŏ trun prăk kak lơm mă yua, dŏ glăi ƀơi amăng jang, hrŏ trun prăk duh djop mơta ƀơi amăng jang Tân Thanh. Sit biă ñu, hrŏ trun prăk lơ̆m mă yua gơnam djop mơta ƀơi hơdôm amăng jang amăng tơring čar Lạng Sơn.

Siu Đoan: Pơblang