VOV4.Jarai -  Mơguah lơ 27/10, ƀơi ƀirô mă bruă Gong phun jua pơhiăp dêh čar Việt Nam, 58 Quán Sứ, Hà Nội, pơphun Jơnum Khul giăng mah Việt Nam hăng Indonesia tal IV hăng hơdră lăng nao rai mơng ataih hăng ƀơi anăp. Amăng mông jơnum, ƀing khua pơ ala bơkơtuai, pel ĕp Tơlơi lăi pơthâo glăi klah čun pơsit bruă mă mơng Khul amăng 5 thun rơgao, ba tơbiă jơlan gah mơng Khul amăng rơwang bruă 2021-2026.

Jơnum ăt pơphun ruah mơn Grŭp mă bruă Ping gah khul, Jơnum min apăn bruă, Grŭp pel ĕp kơđi tơlơi hăng bruă git gai phun pơkon mơng Khul. Khul giăng mah Việt Nam hăng Indonesia hmâo gum hơgôp klă laih amăng kơtưn hơkrŭ đĭ, rô nao rai gum hrom hơbit giăng mah, pơtrut gum hrom, pơhư prong bơkơtuai amăng rơwang phrâo mơng tơlơi gum bruă ngă tañ. Khul hmâo ngă tui bruă tô nao rai, pơlir hơbit kơplah wah hơdôm bơnah gum hrom mơng dua bôh dêh čar, djru pơtrut kơtang gum hrom, hơneč mă hơdôm ngăn rơnoh kơ pơđĭ kyar bơwih ƀong, mơnuih mơnam, pơgang bôh tŭ yua lŏn ia./.

Siu H’ Prăk: Pô pơblang