VOV4.Jarai - Mơguah (10/6), ƀơi Hà Nội, Ding jum ngă hmua hăng pơđĭ kyar ƀon lan pơphun jơnum lăng nao rai amăng tivi bơkơtuai hơdră klă hloh amăng mă, pơkra pơjing, sĭ mơdrô akan hơdang thun 2021. Mah bơbeč nao kơtang mơng klin Covid-19, thun 2020 bruă hyu mă hơmâo klă tui, rơnoh pơđĭ kyar mơng bruă hyu mă hăng pơhrui glăi amăng thun 2020 đĭ pơhmu hăng thun 2019, hăng 3 klăk 850 rơbâo tơ̆n, rơnoh sĭ mơdrô pơ tač rơngiao lĕ 8 klai 600 klăk đôlar Mi, amăng anun akan hơdang hyu mă truh pơ 3 klai 200 klăk đôlar Mi. Tui hăng tơlơi him lăng, klin Covid-19 tŏ tui ngă tơnap tap, anom bruă ba hyu sĭ mơdrô bưp tơnap tap, gun găn ƀơi lu anih sĭ mơdrô; nua akan hơdang hrŏ trun; pơhŭi hlâo “tơlơi bơtơhmal jang jai” mơng Khul pơlir hơbit kual Mi kô̆ aka ƀu lui hĭ anai amra tŏ tui bơbeč nao sat bruă sĭ mơdrô akan hơdang mơ̆ gơnong bruă anai glăk bưp ră anai.

Siu Đoan: Pơblang