VOV4.Jarai-Lơ̆m dŏ tơguan Ding jum Bruă hmua hăng Pơđĭ kyar plơi pla laih anun tơring čar Gia Lai ngă hră rơkâo bơblih hơdôm rơbâo ha lŏn glai jing lŏn ngă hmua pioh ngă anih bruih kơ phun pla, ba yua ia mơ̆ng bơnư̆ pơkong prong Ia Mơr, Khua mua wai lăng bruă tuh pơ alin hăng Man pơdong bơnư̆ pơkong ia mrô 8-Ding jum Ngă hmua hăng Pơđĭ kyar plơi pla phrâo ngă hră rơkâo man pơkra dơ̆ng hnoh ia pơđoh nao bơwih brơi rơbêh 1000 ha hmua pơdai ƀơi Ia Mơr.

Anai lĕ, hơdră kiăng pơsir huăi ngă huač soh sel rơnoh prăk 3000 klai tuh pơ alin ƀơi kual guai dêh čar. Ră anai, mah dŏ amăng kual gah tơkai ia mơ̆ng bơnư̆ pơkong ia prong Ia Mơr, samơ̆ 1000 ha lŏn hmua ƀơi să Ia Mơr amăng dŏ kơƀah ia, krô krañ.

Kiăng dưi bruih brơi đơ đam lŏn pơ anai, tui hăng hră rơkâo, Khua mua wai lăng tuh pơ alin hăng Man pơkra bơnư̆ pơkong ia mrô 8, rơkâo man pơkra dơ̆ng hnoh ia pling nao pơ hmua hơdôm gah ngŏ, gah yŭ laih anun hnoh ia pioh dưm măi ƀôp ia, abih bang anŏ glông ataih 15 km, hăng 180 ring bruă pơđoh ia, dưi ba nao bruih djop 1000 ha hmua đang.

Rơnoh prăk tuh pơ alin 50 klai prăk, mă rơnoh prăk rơnoh mă yua mơ̆ng kơčăo bruă Ia Mơr črăn 2 hăng rơnoh prăk pơkŏn yua kơ Ding jum Bruă hmua hăng Pơđĭ kyar plơi pla wai lăng.

Nay Jek: Pơblang