VOV4.Jarai - Mơguah lơ 20/8, Khua mua Jơnum min djŏp djuai ania mơnuih mơnam Việt Nam ƀon prong Hồ Chí Minh hơmâo jơnum čơkă mă măi ECMO hơmâo nua 145.000 dolar Mi, yua Khua anih jưh dêh čar India hăng mơnuih ƀon sang India dŏ pơ kual Dơnung brơi kơ Sang ia jrao Nhiệt đới ƀon prong Hồ Chí Minh. Yă Tô Thị Bích Châu, Khua Jơnum min djŏp djuai ania mơnuih mơnam Việt Nam ƀon prong thâo hluh kơ tơlơi tơnap tap hăng tơlơi rơngiă mơ̆ dêh čar India glăk bưp yua klin Covid-19 hơđuh tal 2; laih dong lăng yôm biă mă tơlơi dưi ngă mơng Kơnuk kơna hăng mơnuih ƀon sang India amăng bruă pơgang klin Covid-19. Mah dŏ bưp lu tơlơi tơnap tap, samơ̆ Kơnuk kơna India ăt gir djru kơ Kơnuk kơna hăng mơnuih ƀon sang Việt Nam glăk bưp klin ngă kơtang kơtit, anai jing sa bruă ngă hiam biă. Khua anih jưh pơ ala India ƀơi ƀon prong Hồ Chí Minh - ơi Madan Mohan Sethi brơi thâo, him lăng amăng lơ 30/8 pơ anăp, ƀat tô tơhan ia rơsĭ India amra jưh pơ tơdrun tum păn ƀon prong Hồ Chí Minh, pơgăng ba 300 boh măi oxy hăng 100 tơn oxy ia jrao yua Kơnuk kơna India djru kơ Việt Nam.

Siu H’Mai: Pơblang