VOV4.Jarai-Tui hăng tơlơi git gai mơ̆ng Ding jum ia jrao, Kông ty pơčruh ngăn blơi vaccine Việt Nam VNVC phrâo jao brơi 1 klăk 113.400 liêu vaccine AstraZeneca kơ Anom bruă kơsem min Pasteur ƀôn prong Hồ Chí Minh pioh pơpha ia jrao kơ djop tơring čar, ƀôn prong gah dơnung, kiăng hmao djru kơ bruă tlâ̆o pơgang klin Covid 19 brơi mơnuih ƀôn sang.

Tal jao anai hơmâo rơbêh 1 klăk 100 rơbâo liêu vaccine yôm biă mă kơ dêh čar yua hrơi mông klin Covid 19 hơđuh glăi kơtang, anŏ kiăng tlâ̆o pơgang vaccine kơ mơnuih ƀôn sang lu biă mă yơh, boh nik ñu, kiăng tlâ̆o pơgang amăng kual klin ngă kơtang kah hăng ƀôn prong Hồ Chí Minh, tơring čar Bình Dương....

Bruă tlâ̆o pơgang vaccine kiăng djop mơnuih laih tlâ̆o lĕ drơi jăn gơñu dưi bong glăi hăng kman klin đah mơ̆ng plai ƀiă ƀă klin, djru kơ djop tơring čar gah kual dơnung hăng anom bruă ia jrao huăi hơmâo lu mơnuih djai. Yap truh lơ 15/8, Việt Nam hơmâo năng ai 21 klăk 500 rơbâo liêu vaccine djop mơta.

Ƀôn prong Hồ Chí Minh hăng hơdôm tơring čar gah dơnung, amăng anun ƀôn prong Hồ Chí Minh hơmâo tlâ̆o brơi 14 klăk 700 rơbâo liêu vaccine Cơvid 19 sa arăt, 1 klăk 400 rơbâo čô djop duă arăt laih tlâ̆o pơgang.

Nay Jek: Pơblang