VOV4.Jarai -  Khul git gai jar kơmar Jơlan hơdră ană mơnuih hăng ayuh hyiăng dlai klô UNESCO phrâo pơphun jơnum lăng nao rai mơng ataih ƀơi dêh čar Nigeria, pơphun plĕ hră hluai tui hră pơ-ar hơdôm kual djă pioh dlai klô ƀơi rŏng lŏn tơnah. Amăng anun, Việt Nam hmâo 2 kual djă pioh dlai klô dưi ba tơbiă plĕ hră amăng tal anai lĕ Kual djă pioh ayuh hyiăng dlai klô Čư̆ Siăng Kon Hà Nừng (tơring čar Gialai) hăng kual djă pioh dlai klô lĕ čư̆ Chúa (tơring čar Ninh Thuận). Gum hrom hăng đĭ pơhiăp amăng mông jơnum, Kơ-iăng Khua Jơnum min mơnuih ƀôn sang tơring čar Gialai Kpă Thuyên brơi thâo: Tơdơi kơ tŭ yap, Jơnum min mơnuih ƀôn sang tơring čar Gialai pơkôl ngă tui tơpă hơdôm tơlơi pơkă mơng UNESCO kiăng pơhlôm tơhnal pơkă hăng bôh thâo mơng sa kual djă pioh dlai klô, pơplih Kual djă pioh ayuh hyiăng dlai klô čư̆ siăng Kon Hà Nừng jing hơdră pơđĭ kyar bơwih ƀong – mơnuih mơnam kơjăp phik mơng plơi pla, tô nao rai djơ̆ nao hrom kơplah wah pơgang lu mơta ra mơnong hăng djă pioh gru grua bôh thâo djop djuai ania; kơplah wah pơđĭ kyar bơwih ƀong hăng pơgang dlai klô, mă yua djơ̆ kông ngăn dlai klô, pơđĭ tui tơlơi hơdip mơda, pơtô juăt hăng kơsem min bôh thâo phrâo./.

Siu H’ Prăk: Pô pơblang