VOV4.Jarai - Lăi nao lăi rai ƀơi mông jơnum mơguah lơ 25/10 kơ bruă pơgang adai hơjan hlim, hŭi hơmâo kơthel, ơi Trần Quang Hoài, Kơ-iăng khua anom git gai tơlơi truh lŏn adai ngă dêh čar ta git gai hơdôm boh tơring čar kiăng pơsir tañ tơlơi truh yua hơjan kơthel ngă amăng hrơi blan rơgao laih anun ƀu brơi ƀat tô dŏ amăng kual ia rơsĭ hŭi rơhyưt ôh. Pơhŭi hlâo hơmâo hơjan prong mơng Thưà Thiên Huế truh pơ Khánh Hòa ăt kah hăng hơmâo hơjan prong ƀơi djŏp bit anih, hơkruah yâo, grŏm kơmlă, hơjan pơler, angin hơplăk kơtang ƀơi Ninh Thuận, Bình Thuận, Tây Nguyên hăng Nam Bộ, ƀing khua kiăng hơdôm boh tơring čar ječ ameč pơsir hĭ tơlơi truh yua hơjan kơthel ngă amăng hrơi blan rơgao lĕ tơhlŏm jơlan nao rai đah rơdêh mơng thâo nao rai, jơlan rơdêh treng Kơdư - Dơnung dưi nao rai glăi. Hăng hơjan hlim amuñ ngă jing kơthel, kiăng lăi pơthâo hmao tlôn kơ gong gai hăng mơnuih ƀon sang thâo pơgang hlâo, biă ñu ƀat tô dŏ pơ anih hŭi rơhyưt. Hơdôm boh tơring čar kiăng pơhlôm tơlơi hơdip kơ mơnuih ƀon sang pơ kual ia dăo, bĕ hĭ hơmâo hơjan ia dăo sui mơ̆ mơnuih ƀon sang pơ-ai ƀu pơgang hlâo.

Siu H’Mai: Pơblang