VOV4.Jarai - Mơmŏt lơ 9/1, Khul pơhlôm pơgang brơi ƀing čơđai Việt Nam (Ding jum bruă mă, tơhan rơka hăng mơnuih mơnam) pơphun jơlan hơdră adôh suang “Bơyan bơnga kơ čơđai” tal 15. Đĭ pơhiăp amăng mông pơphun jơnum hơdră, Kơ-iăng khua mir sir yă Võ Thị Ánh Xuân tŭ yap hăng pơpŭ hơdôm pran gum pơgôp, hơdôm bruă mă kiăng kơ djru mơnuih mơnam mơng hơdôm anom bruă, khul grup, ƀing mơnuih amăng lŏn ia hăng mơng tač rơngiao hơmâo gum hrŏm, djru amăng keh prăk pơhlôm pơgang brơi ƀing čơđai. Amăng môn ngui adôh suang, hơdôm anom bruă, khul grup, anom bơwih ƀong sĭ mơdrô, ƀing mơnuih čơmah hơmâo jao prăk djru brơi ƀing čơđai sang anŏ tơnap tap mă mơng keh prăk djru ƀing čơđai Việt Nam, hăng mrô prăk rơbêh 104 klai prăk. Mơng 14 tal pơphun, jơlan hơdră hơmâo jak iâu gum pơgôp rơbêh 1 rơbâo 200 klai prăk hăng djru brơi giăm 1 klăk čô čơđai hluai tui hơdôm hơdră djru phara. Jơlan hơdră “Bơyan bơnga kơ čơđai” tal 15 thun 2022, hăng anăn “Yua kơ tơlơi hiam klă pơgi kơdih”, kiăng kơ djru brơi ƀing čơđai bơbeč mơng klin Covid-19.

Siu Đoan: Pơblang