VOV4.Jarai - Khul ia jrao kyâu bơrơkal mriah tơring čar Lâm Đồng hmâo pơphun jơnum pok pơhai Jơlan hơdră mriah hăng Hrơi Jơnum ngui brơi drah gum djru “Tơdjoh drah plơi prong Bơnga” tal 9 thun 2021. Tui hăng kơčăo bruă, Jơlan hơdră mriah amra pơphun amăng 2 hrơi lơ 19 hăng lơ 20/6/2021. Jơlan hơdră amra pơsur 2000 čô mơnuih gum hrom brơi drah gum djru hăng pơkă hlâo amra tŭ mă 1.000 anung drah kiăng ba nao pơ̆ anom kơsem min drah – jôr drah dêh čar ta. Yua kơ klin Covid-19 ngă dlêh tơnap anun jơlan hơdră mriah thun anai ăt pơphun rơguăt mơn hăng hơdôm bruă mă phun hăng rim anom ding kơna amăng grup črâo ba ăt pok pơhai ha amăng plĕ mơn bruă pơgang, pơgăn klin Covid-19 kah hăng: pơpha mông djơ̆ kơ hơdôm bôh anom jak iâu nao gum hrom brơi drah, pơhlôm bruă lăi pơhing amăng pơgang, pơgăn klin Covid-19; pơdjai kơman hlâo hăng tơdơi kơ brơi drah, pơtô brơi pơkă pơ-iă drơi jăn, gôm adung mơbah, pơdjai kơman ƀơi tơngan hăng dô̆ ataih nao rai, pơtô brơi hăng ngă tui tơpă, pơhlôm tơlơi pơkă 5 mơta pơgang klin./.      

Siu H’ Prăk: Pô pơblang