VOV4.Jarai - Hăng akŏ bruă “Pơđĭ tui bruă ngă hmua Việt Nam mut hrŏm jar kmar” hrơi anai lơ 8/10 ƀơi Hà Nội, Ding jum ngă hmua hăng pơđĭ kyar plơi pla pơphun Jơnum lăng nao rai amăng tivi “Gŏp ngă hrŏm pơđĭ kyar ngă hmua hơđong kơjăp Việt Nam (PSAV)”. Jơnum anai jing hrơi kiăng ƀing gŏp ngă hrŏm “Kơnuk kơna - Mơnuih ƀon sang ngă pô” mơng anom bruă ngă hmua lăng glăi 10 thun mă bruă hăng pơđĭ kyar mơng “Gŏp ngă hrŏm pơđĭ kyar ngă hmua hơđong kơjăp Việt Nam”. Mơng anun lăi nao hơdôm tơlơi dưi ngă ăt kah hăng tơlơi kiăng răng kơđiăng đah mơng pơtrut đĭ klă hloh bruă ngă hrŏm kơplah wah Kơnuk kơna hăng Mơnuih ƀon sang amăng bruă pơđĭ kyar ngă hmua, plơi pla hơđong. anai jing tơlơi gêh gal kiăng ding kơna ƀuăn pơtrut tui ngă pơhưč tuh pơ plai pơđĭ kyar bruă ngă hmua Việt Nam hơđong kơjăp, găn rơgao tơlơi tơnap, tơlơi lông mơng tơlơi rung răng bơwih ƀong huă - mơnuih mơnam yua klin Covid-19 ngă. 

Siu H’Mai: Pơblang