VOV4.Jarai - Mơguah hrơi anai lơ 16/12, ƀơi Hà Nội, Ding jum ngă hmua hăng Pơđĭ kyar ƀon lan ngă hrŏm hăng Jơlan hơdră pơđĭ kyar Sang gum hơbit djŏp dêh čar ƀơi Việt Nam hăng Keh prăk Pơđĭ kyar ngă hmua jar kmar pơphun Jơnum abih bang Bruă gum djru jar kmar thun 2021. Mông jơnum jing mông pioh lăi nao hơdră djru hơmâo pơphun rim thun kơplah wah Ding jum ngă hmua hăng pơđĭ kyar ƀon lan hăng abih bang anom bruă, mơnuih gum djru mơng jar kmar, gum bơkơtuai, pơtô brơi hơdă ngă bruă, tơlơi gum djru mơng dua bơnah đah mơng pơtrut tui hloh tơlơi ngă hrŏm jar kmar, ba nao tơlơi hơmâo đah mơng pơđĭ kyar bruă ngă hmua Việt Nam hơđong kơjăp abih bang. Hăng tơlơi jơnum “Gŏp ngă hrŏm mơtah kơ bruă ngă hmua phrâo”, mông jơnum amra lăi nao Kơčăo bruă pơđĭ kyar ngă hmua, plơi pla hơđong kơjăp amăng rơwang thun 2021-2030, lăng nao pơ anăp truh thun 2050 hăng Akŏ bruă hơdôm bruă ngă mơng Việt Nam kơ anih pơkra gơnam ƀong huă hơđong kơjăp rơwang thun 2021-2030.

Siu H’Mai: Pơblang