VOV4.Jarai - Mơguah (25/11), ƀơi Hà Nội, Khul lý luận gơnong glông pơphun jơnum bơkơtuai kơ bruă “Pơjing, pơgiong Kơnuk kơna tui hơdră xã hội chủ nghĩa Việt Nam: Bruă ngă hăng hơdôm tơlơi tơnap tap ră anai”.  Nai tha prin - nai prin tha Nguyễn Xuân Thắng, Ding kơna Ding jum kơđi čar, Khua Khul lý luận gơnong glông, Khua sang hră pơtô bruă kơđi čar Hồ Chí Minh nao jơnum hăng git gai mông jơnum. Amăng mông jơnum, lăng nao djop mơta, tơlơi pơgôp hiăp mơng ƀing rơgơi kơsem min, wai lăng, ƀing rơgơi kơnâo amăng bruă pơjing Kơnuk kơna tui hơdră xã hội chủ nghĩa đing nao pơčrông sai hơdôm bruă anun lĕ: ngă rơđah boh tơhnal, anŏ yôm phara mơng kơnuk kơna tui hơdră xã hội chủ nghiã Việt Nam kơ mơnuih ƀon sang, yua mơnuih ƀon sang; ngă rơđah tơlơi tô nao rai kơplah wah Kơnuk kơna tui hơdră xã hội chủ nghĩa Việt Nam hăng mơnuih ƀon sang, ngă rơđah bruă git gai mơng Ping gah, Kơnuk kơna, mơnuih ƀon sang lĕ akŏ phun kiăng kơ rơđah dong tơlơi gơgrong mơng Kơnuk kơna tui hơdră xã hội chủ nghĩa…

Siu Đoan: Pơblang