VOV4.Jarai - Amăng 2 hrơi mơng lơ 6 truh lơ 7/10, plơi prong Kontum pơphun jơnum ƀing đah kơmơi ngă khua mua amăng tơring čar Kontum tal XIV, rơwang thun 2021-2026 hơmâo 182 čô đah kơmơi pơ ala brơi rơbêh 115.000 čô đah kơmơi amăng đơ đam tơring čar.

Yă Bùi Thị Hoà, Kơ-iăng khua khul pơlir hơbit đah kơmơi Việt Nam ƀơk Jơnum tal anai rup hăng tơlơi čih “Gum pơgôp-Hiam klă-Thâopơčeh-Pơđĭ kyar”

Rơwang thun laih rơgao, Khul pơlir hơbit đah kơmơi tơring čar Kontum ƀu pơdơi pơplih phrâo amăng boh tơhnal, bruă mă ba glăi boh tŭ yua amăng hơdôm tal pơplông…

Mơnuih dong yua tŭ yap tơlơi pơsit mơng Jơnum

Djop gưl Khul đah kơmơi tơring čar ăt hơmâo lu bruă mă klă ƀudah ba glăi tŭ yua sit nik, anun lĕ bruă pơjing 24 “Plơi đah kơmơi mơnuih djuai ania ƀiă lĕ plơi pla phrâo”; man pơdong phrâo, pơkra ming 65 boh sang brơi 65 boh sang anŏ ding kơna đah kơmơi tơnap tap hăng mrô prăk rơbêh kơ 2 klai prăk; akŏ pơjing 60 hơbô̆ bruă bơwih ƀong hrŏm hăng 1.000 čô ding kơna…Jơnum đah kơmơi tơring čar Kontum tal XIV, rơwang thun 2021-2026 hơmâo ruah 33 čô khua mua amăng Khul apăn bruă amăng rơwang phrâo. Yă Y Phương ngă glăi Khua khul pơlir hơbit đah kơmơi tơring čar Kontum, rơwang thun 2021-2026.

Siu Đoan: Pơblang