VOV4.Jarai -  Kơ-iăng Khua dêh čar ta ơi Phạm Bình Minh hrom hăng Kơ-iăng Khua dêh čar, Khua Ding jum wai lăng tơlơi rơnuk rơnua dêh čar Kur Xo Khênh git gai Jơnum Gum hrom hăng Pơđĭ kyar hơdôm bôh tơring čar guai lŏn ia Việt Nam hăng Kur tal 11 tui hơdră lăng nao rai mơng ataih. Bruă jơnum đing nao pơsit tơlơi ngă tui hơdôm tơlơi pơkôl dưi amăng mông Jơnum tal 10 pơphun blan 1/2019, hrom hăng anun bơkơtuai pơplih kơ jơlan gah gum hrom kơplah wah hơdôm bôh tơring čar guai lŏn iaViệt Nam hăng Kur pơ̆ anăp anai. Pơhiăp amăng mông Jơnum, dua gơñu lăi rơđah khă bơdjơ̆ nao mơng klin Covid-19, tơlơi rô nao rai dua bôh dêh čar ăt ƀơi jơlan đĭ kyar hơđong mơn, jai hrơi jai nao dơlăm, ba glăi bôh tŭ yua hăng sit nik. Pơ̆ anăp anai, dua bơnah tu ư gir run pơđĭ tui hloh dong bôh tơhnal gum hrom amăng bŏng glăi hăng klin Covid-19, djru klă kơ bruă wai lăng klin ruă ăt kah hăng pơtrut hơkrŭ glăi, pơđĭ kyar bơwih ƀong – mơnuih mơnam mơng dua bôh dêh čar lăi hrom hăng hơdôm bôh tơring čar giăm guai dêh čar lăi ha jăn./.

Siu H’ Prăk: Pô pơblang