VOV4.Jarai -  Čơtlăm lơ 29/9, Anom phun bruă kơđi čar khul ling tơhan Việt Nam hăng Khul pơblang bruă Ping gah dêh čar pơphun Jơnum klah čun Jơlan hơdră gum hrom kơsem min pơblang – bôh nik kơ Pơgang lŏn ia amăng bruă pơgang lŏn ia mơng thun 2018-2021 hăng kĭ pơkôl Jơlan hơdră gum hrom kơsem min mơng thun 2021-2026. Amăng mông jơnum, 2 ƀirô hmâo Kĭ pơkôl Jơlan hơdră gum hrom mơng thun 2021-2026. Kiăo tui anun, dua ƀirô amra gum hrom kơsem min ngă rơđah hơdôm tơlơi pơmin, pran črâo ba, jơlan gah, tơlơi pơkă, hơdră pơtrun, bruă pơsir amăng ngă tui pơgang lŏn ia Việt Nam djop mơnuih dưm kơnar tui pran jua Tơlơi pơtrun pơsit tal 13 mơng Ping gah, kiăo tui djơ̆ hăng bôh nik, hơdôm tơlơi phrâo kơ bruă pơgang lŏn ia kiăng rơkâo Ding jum kơđi čar, Grŭp mă bruă Ping gah dêh čar mă yua hơdôm hơdră pơtrun, jơlan gah, bruă mă pơdŏng pơgang, wai lăng lŏn ia amăng rơnuk phrâo./.

Siu H’ Prăk: Pô pơblang