VOV4.Jarai - Jơnum min wai lăng djuai ania phrâo pơphun “Jơnum Ngă hrŏm tum pơƀut glăi bruă mơng Jơnum min djuai ania thun 2021”. Thun rơgao, Jơnum min djuai ania hơmâo pơplih kơtang bruă git gai črâo bruă, mă yua boh phrâo măi mok phrâo, pơđĭ tui anŏ tŭ yua amăng bruă wai lăng, thâo kơjăp tơlơi hơmâo phrâo, pơsir hĭ hơdôm bruă aka ƀu djơ̆ pran, aka ƀu klă amăng plơi pla djuai ƀiă hăng kual čư̆ siăng kriang pơtâo, biă ñu lĕ klin Covid-19; djru pơplih phrâo tơlơi hơdip mơnuih ƀon sang djuai ƀiă, hơđong tơlơi bơwih ƀong, rơnuk rơnua kơđi čar hăng pơhlôm djru tơlơi hơdip kơ mơnuih ƀon sang kual mơnuih djuai ƀiă; čih pơkra pơgiong hĭ hơdôm tơlơi lăi pơthâo glăi, tơlơi pôr pơthâo pơtô bruă ngă tui Jơlan hơdră dêh čar pơđĭ kyar bơwih ƀong huă - mơnuih mơnam amăng plơi pla mơnuih ƀon sang djuai ƀiă hăng kual čư̆ siăng, pơdah pơƀuh kơ Kơnuk kơna, Khua dêh čar.

Khua ding jum, Khua Jơnum min djuai ania ơi Hầu A Lềnh pơhiăp ƀơi mông Jơnum.

Thun phrâo 2022, Jơnum min wai lăng Djuai ania hơmâo jao bruă git gai jơlan hơdră dêh čar kiăng pơđĭ kyar bơwih ƀong huă mơnuih mơnam plơi pla mơnuih djuai ƀiă hăng čư̆ siăng, khŏm kiăng ngă bruă lu biă mă. Kiăng hơmâo hơdră ngă bruă lăp djơ̆, thâo ngă hrŏm kơjăp kơplah wah ding jum, anom bruă, nao tơl plơi pla, tơl sang anŏ hăng bưp mơnuih ƀon sang.

Siu H’Mai: Pơblang