VOV4.Jarai-Ƀơi anom pơdă rup jar kmar Manezh, plơi prong jưh jom Moscow hơmâo tơlơi jơnum hăng ƀing čih tơlơi pơhing phrâo tal 17 mơ̆ng Khua mir sir dêh čar Nga ơi Vladimir Putin. Ƀơi mông jơnum, Khua mir sir ơi Putin lăi glăi tơlơi tơña amăng lu bruă mă, lu tơlơi amăng bruă kơđi čar, bơwih ƀong huă mơnuih mơnam dêh čar, ăt kah hăng tơlơi ƀơi jar kmar bơdjơ̆ nao jơlan hơdră pơtom hiăp mơ̆ng dêh čar Nga.

Pơdjơ̆ nao amăng tơlơi pơhlôm, pơgang klin Covid 19 hăng bơbeč djơ̆ mơ̆ng tơlơi bơwih ƀong huă ƀơi dêh čar Nga jing tơlơi pơčrông lu hloh djop hră pơhing phrâo lăi nao. Pơdjơ̆ nao kơ tơring čar Donbass, khua apăn akŏ anom bruă Kremlin lăi, bruă kơñ pơgi ƀơi Donbass yua kơ mơnuih ƀôn sang pơsit.

Ơi Putin pơhŭi hlâo lu tơlơi ayăt roh ƀu ngă kơ dêh čar Nga tơblŭt amăng rung răng ƀơi Donbass ôh. Nga amra mă bruă hăng djop tơhan ƀơi dêh čar Ukraina čang rơmang pơčrông sai rô nao rai mơak kơplah wag Ukraina hăng kơnuk kơna Nga.

Nay Jek: Pơblang