VOV4.Jarai-Đĭ pơhiăp jơnum lăng nao rai amăng tivi hăng djop tơring čar amăng dêh čar, ơi Phạm Minh Chính Khua dêh čar pơčrông hăng ƀing ngă bruă sĭ mơdrô pơkra ming, khul wai lăng ƀing sĭ mơdrô hăng djop tơring čar ĕp hơdră pơsir tơlơi tơnap tap, pơtrut bruă pơkra ming gơnam sĭ mơdrô kơ ƀing ngă bruă sĭ mơdrô lơ̆m hrơi mông hơmâo klin Covid 19, Khua dêh čar ơi Phạm Minh Chính lăi pơtong, anai lĕ tơlơi lông lăng prong biă mă samơ̆ ăt đăo kơnang khul mơnuih ngă bruă sĭ mơdrô amra găn rơgao tơlơi lông lăng klin kheng Covid 19, laih anun dŏ akŏ pơjing bruă ngă pơkra ming djă anăn gơnam sĭ mơdrô ta pô, hăng bruă pơđĭ tui rơnoh yôm klă hloh mơ̆ng mơnuih ngă bruă sĭ mơdrô hăng pran jua tơlơi thâo tơlơi pơmin laih anun đăo kơnang.

Jơnum tal anai, mông gêh găl pioh Kơnuk kơna, Khua dêh čar pơđing hmư̆, tơlơi rơkâo, anŏ kiăng mơ̆ng phung ngă bruă sĭ mơdrô, pơkra ming gơnam sĭ mơdrô, djop tơring čar, anom bruă pơčrông sai hơduah ĕp hơdră pơsir tơlơi tơnap tap tŭ yua amăng mông ječ ameč ră anai.

Nay Jek: Pơblang