VOV4.Jarai - Jơnum khua ding jum pơtom hiăp - bơwih ƀong huă APEC tal 32 (AMM 32) phrâo pơphun amăng 6 mông tlam lơ 8/11 (tui mông ƀơi Việt Nam) hơmâo 21 dêh čar ding kơna APEC, Khul djru bruă sĭ mơdrô APEC (ABAC), Khul hơdôm boh dêh čar kual Đông Nam Á, Khul ngă hrŏm bơwih ƀong huă kual Thái Bình Dương (PECC), Jơnum min hơdôm bul pơtâo kual Thái Bình Dương (PIF), Anom bruă sĭ mơdrô jar kmar (WTO), hăng Khul čih pioh Công ước Khung mơng Sang gum hơbit djop dêh čar kơ bruă ayuh hyiăng pơplih sat (UNFCCC). Amăng hrơi blan klin COvid-19 glăk lar hyu kơtang, bơbeč nao djop mơta amăng tar ƀar rŏng lŏn tơnah hăng ngă ba glăi tơlơi sat răm aka ƀu ƀuh ôh hlâo anun amăng bruă bơwih ƀong huă, thun anai, Jơnum AMM tŏ tui pơphun lăng nao rai mơng ataih, amăng 2 hrơi lơ 8-9/11/2021. Jơnum hơmâo pơčlah jing 2 tal mă bruă. Jơnum blung a pơphun mơng lơ 8/11 đing nao pơčrông sai kơ bruă pơtrut hơkrŭ glăi bơwih ƀong huă tŭ yap hơdôm bruă mă, tơlơi pơčeh phrâo amăng sĭ mơdrô.

Siu Đoan: Pơblang