VOV4.Jarai -  Hmư̆ tui tơlơi jak iâu mơng Khua AIPA, Khua Khul pơ ala mơnuih ƀôn sang dêh čar Brunei Darussalam Pehin Dato Abdul Rahman Taib, Grŭp khua pơ ala gưl dlông Khua pơ ala mơnuih ƀôn sang dêh čar Việt Nam yua kơ Khua git gai wai lăng pơ ala mơnuih ƀôn sang ơi Vương Đình Huệ ngă Khua grŭp nao pơhmư̆ Jơnum Khul pơlir hơbit Khua pơ ala mơnuih ƀôn sang hơdôm bôh dêh čar kual ASEAN tal 42 (AIPA-42) tui hơdră lăng nao rai mơng ataih, dưi pơphun mơng lơ 23 truh lơ 25/8/2021 hăng akô̆ ñu “Pơđĭ kyar tơlơi gum hrom Khua pơ ala mơnuih ƀôn sang amăng măi mok mrô anăp nao Khul ASEAN thun 2025”. Anai lĕ tơlơi hmâo bôh tŭ yua yôm phăn, jing bruă mă pơtôm hiăp lu bơnah sit nik blung a mơng Khua git gai wai lăng pơ ala mơnuih ƀôn sang dêh čar ơi Vương Đình Huệ hăng Grŭp khua pơ ala gưl dlông Khua pơ ala mơnuih ƀôn sang Việt Nam amăng rơwang bruă tal 15. Tô̆ tui hơdôm bôh than anun, amăng mông Jơnum Khua AIPA-42. Khua git gai wai lăng pơ ala mơnuih ƀôn sang dêh čar ơi Vương Đình Huệ amra mơ-ĭt truh gơyut gơyâu amăng kual hăng jar kơmar tơlơi pơhing kơ sa lŏn ia Việt Nam ƀu pơdơi pơplih phrâo; Khua pơ ala mơnuih ƀôn sang Việt Nam thâo gơgrong, klă, gum hrom Kơnuk kơna amăng pơđĭ kyar bơwih ƀong mơnuih mơnam hăng pơgang, pơgăn Covid-19./.

Siu H’ Prăk: Pô pơblang