VOV4.Jarai -  Mơguah lơ 8/10, ƀơi Hà Nội, Grŭp hyu mă bruă khua pơ ala mơng Jơnum min apăn bruă Khua pơ ala mơnuih ƀôn sang dêh čar ta pơphun jơnum lăi pơthâo bôh thâo hăng hơdră phun kơ khua pơ ala mơnuih ƀôn sang dêh čar ta tal 15 dưi ruah ngă khua tal blung a. Pơhiăp amăng mông pok jơnum, Kơ-iăng Khua git gai wai lăng pơ ala mơnuih ƀôn sang dêh čar ta ơi Trần Thanh Mẫn pơsit: Khua pơ ala mơnuih ƀôn sang lĕ bôh than phun, jing pô gơgrong phun, pơsit truh anô̆ klă hăng bôh tơhnal bruă mă mơng Khua pơ ala mơnuih ƀôn sang. Bruă lăi pơthâo nao rai tơlơi găn rơgao, pơhrăm brơi dong bôh thâo, hơdră phun mă bruă lĕ sa amăng hơdôm jơlan gah djru khua pơ ala mơnuih ƀôn sang kơtưn bôh thâo, hơdră phrâo mă bruă, ngă tui tơlơi dưi, bôh thâo mơng rim mơnuih. Amăng mông jơnum, ƀing khua pơ ala nao pơhmư̆ dưi hmâo mơnuih lăi pơthâo glăi, lăi pơthâo tơlơi găn rơgao bơdjơ̆ nao hơdôm tơlơi kah hăng: Hơduah tơña hăng bôh thâo tơña rơwang bruă tơlơi phiăn, phiăn pơtrun; Bôh thâo đĭ pơhiăp, bơkơtuai, lăi pơthâo hăng lăi glăi hăng mơnuih čih tơlơi pơhing phrâo ƀơi sang rông./.

Siu H’ Prăk: Pô pơblang