VOV4.Jarai-Tlam lơ 8/8, ƀơi Hà Nội, Khua dêh čar ơi Phạm Minh Chính nao jơnum pơthâo mă yua hơdră ngă atur pioh lăng nao rai amăng tivi pơtô brơi hơdră pơjrao duăm ruă mơ̆ng ataih tui anŏ gru ia rơgơi Teleheath pơtruh nao rai hăng djop sang ia jrao tơring glông hăng lăi pơthâo hơdră pơhlôm, pơgang klin Covid 19 phrâo mơ̆ng dêh čar.

Đĭ pơhiăp ƀơi mông jơnum, ơi Phạm Minh Chính Khua dêh čar rơkâo ding jum ia jrao khom pơtô brơi sa hnong, pơpha bruă mă yua rơma gưl. Tơdah pơjrao pơ sang anŏ khom hơmâo sang lu tal anih dŏ pơ tal gah yŭ ƀơi lŏn. Kman Covid 19 ƀă hmar, ngă djai tañ, yua kơ anun khom sem lăng, mă bruă pơjrao rah, hrăm tong ten rah hơdră pơgăn klin.

Hơdôm ding jum Boh thâo hăng ia rơgơi laih anun ding jum Tơlơi pơhing hăng pôr pơthâo ngă pơgiong hơdră ba yua boh thâo ia rơgơi phrâo anai. Boh nik ñu ƀuh anŏ hơgĕt aka ƀu dưi ngă tui pơsir tañ. Khua dêh čar bơni mơ̆n boh yôm kơ bruă ba yua boh thâo ia rơgơi phrâo anai, djru hrom bơblih ba yua mrô amăng bruă mă.

Kiăng hmao kru pơjrao mơnuih ruă, djru kơ ơi ia jrao thâo tañ, kjăp pran jua, pơhrŏ ƀiă anŏ kơniă sang ia jrao prong pơ gơnong dlông.

Nay Jek: Pơblang