VOV4.Jarai - Mơguah lơ 6/1, ƀơi sang bruă Kơnuk kơna, pơphun Jơnum lăng nao rai amăng tivi klah čun bruă pơhlôm rơnuk rơnua jơlan nao rai thun hlâo, pok pơhai bruă mă amăng thun anai. Ding kơna ding jum kơđi čar, Kơ-iăng khua dêh čar ơi Phạm Bình Minh, Khua Jơnum min wai lăng jơlan nao rai Dêh čar git gai mông Jơnum. Lăi pơthâo glăi ƀơi mông jơnum, thhun hlâo tơhan pôlih wai lăng jơlan amăng dêh čar ta hơmâo bơtơhmal rơbêh 2 klăk 800 rơbâo wơ̆t tơlơi ngă soh, bơtơhmal hăng mrô prăk giăm 3 rơbâo klai, mă glăi rơbêh 248 rơbâo pok hră mơgat rơdêh, mă pơkŏng rơbêh 460 rơbâo boh rơdêh djŏp mơta.

Pơhiăp ƀơi mông jơnum, Kơ-iăng khua dêh čar ơi Phạm Bình Minh lăi, hăng bruă pơgang klin Covid-19 hăng pơwơ̆t glăi tơlơi hơdip tui mơng hơđăp, yua hnun Kơ-iăng khua dêh čar kiăng hơdôm Ding jum, anom bruă kiăng sem lăng, hơmâo hơdră ngă plai ƀiă tơlơi truh ƀơi jơlan nao rai amăng hrơi blan pơ anăp.

Siu H’Mai: Pơblang