VOV4.Jarai-Ƀơi Hà Nội, lơ 8/12, Khua git gai tơhan pơlih ia rơsĭ Việt Nam pơphun jơnum lăng nao rai amăng tivi hăng khua mua git gai tơhan pơlih ia rơsĭ hơdôm dêh čar amăng kual ASIA tal 17 hơmâo khua mua phun git gai tơhan pơlih ia rơsĭ 20 boh dêh čar, sa boh kual lŏn dêh čar, sa anom bruă jar kmar hăng 3 čô khua jar kmar krăo lăng, nao pơhmư̆ hrom.

Anai lĕ, jơnum tal blung a dưi pơphun lăng nao rai amăng tivi. Bruă mă tŭ yua, gum hrom klă pơtrut ngă hrom ƀing tơhan pơtrut ngă djơ̆ tơlơi phiăn ƀơi kual ASIA, yua anŏ kiăng pơgang boh tŭ yua hrom wai lăng tơlơi rơnuk rơnua hơđong, mơak hăng pơđĭ kyar kual ia rơsĭ amăng kual hăng rŏng lŏn tơnah. Jơnum anai, pơphun dua wơ̆t bơkơtuai, tơpă, đăo kơnang nao rai. Mông gêh găl kơ tơhan pơlih ia rơsĭ hơduah ĕp tơlơi thâo thăi, pơtrut ngă hrom kiăng pơsir hơdôm tơlơi hơmâo laih anun ngă tui tơlơi phiăn ia rơsĭ.

Bruă gum tơngan hrom kiăng pơsir tơlơi pơhŭi, anŏ lông lăng phrâo amăng kual ia rơsĭ, anun yơh khom kơtưn ngă hrom hơdôm dêh čar kiăng pơgang tơlơi rơnuk rơnua, hơđong amăng kual ia rơsĭ.

Nay Jek: Pơblang