VOV4.Jarai - Mơguah anai (27/5), Ding jum pơtô hrăm pơphun jơnum lăng nao rai amăng tivi hăng 63 boh tơring čar, ƀon prong kơ bruă pơphun pơplông abih anih 12 thun 2021. Anai lĕ jơnum hơmâo hơdôm tơring čar  dŏ tơguăn kiăng kơ pơjing akŏ bruă prap lui hrơi pơplông brơi lăp djơ̆ hăng hrơi blan hơmâo klin Covid-19 glăi ngă tơnap tap. Jơnum hơmâo pơphun lăng nao rai amăng tivi ƀơi Ding jum pơtô hrăm hăng hơdôm anih lăng nao rai amăng Kơnuk kơna. Boh tơhnal akŏ phun mơng jơnum lĕ pơphun tal pơplông abih anih 12 thun 2021; hơdôm bruă mơ̆ Jơnum min mơnuih ƀon sang tơring čar, ƀôn prong kiăng git gai djop gơnong bruă, anom bruă pơjing hăng pơphun hrơi pơplông abih anih 12 ƀơi tơring čar djơ̆ hăng tơlơi pơkă, pơhlôm rơnuk rơnua, tơpă sit, pơkrem hăng tŭ yua. Ră anai klin Covid-19 ngă kơ lu čơđai hrăm anih 12 pơčlah, ƀudah glăk amăng kual guang dar, yua anun bơbeč nao bruă hrăm prap lui tal pơplông anai.

Siu Đoan: Pơblang