VOV4.Jarai - Mơguah lơ 2/7, pơphun Jơnum lăng nao rai amăng tivi kơ wai lăng, pơlar ƀut sang măi, dưi tô nao rai mơng Hà Nội yua kơ Khua Ding jum sĭ mơdrô ơi Nguyễn Hồng Diên git gai, tô nao rai hăng hơdôm bôh tơring čar, ƀôn prong, plơi pla kiăng ngă rơđah hơdôm tơlơi tơnap, tơlơi gun amăng bruă mă mơng hơdôm sang măi hơdôm hrơi rơgao, mơng anun ba tơbiă hơdôm bruă pơsir wai lăng kơjăp, ba glăi bôh tơhnal hơdôm ƀut sang măi pơ̆ anăp anai. Yua kơ, tui jơlan gah pơsit truh thun 2025 đơđam dêh čar Hmâo 1.704 ƀut sang măi. Khă hnun hai, tui hăng tơlơi pơƀut mă mrô mơng Gơnong bruă sĭ mơdrô hơdôm bôh tơring čar, ƀôn prong, truh abih thun 2020, đơ đam dêh čar ta hmâo 968 ƀut sang măi hăng kual lŏn prong 30.912 ektar dưi pơdŏng. Hluai tui bruă mă mơng hơdôm bôh anom bơwih ƀong amăng ƀut sang măi hmâo pơtrut tañ bruă ba hơdră pơkă bơwih ƀong, samơ̆ ăt pơdah rơđah mơn hơdôm tơlơi tơnap, akă dưi ngă amăng wai lăng kiăng pơtlaih; Lu anih anom bưp tơnap, luk puk amăng bruă pơplih hơdră ƀut sang măi yua kơ kơnuk kơna tuh pơplai kơ anom bơwih ƀong ngă pô tuh pơplai man pơdŏng hăng sĭ mơdrô anom mă yua... kiăng biă jơlan gah pơsir ba tơbiă kiăng wai lăng kơjăp, ba glăi bôh tơhnal hơdôm ƀut sang măi pơ̆ anăp anai./.

Siu H’ Prăk: Pô pơblang