VOV4.Jarai - Ƀơi Hà Nội, yă Bùi Thị Minh Hoài, Khua apăn bruă Ping gah dêh čar, Khua anom bruă pơtô ba mơnuih ƀon sang Ping gah Cộng sản Việt Nam hơmâo mông Jơnum lăng nao rai mơng ataih hăng ơi Sinlavong Khutphaythoun, Khua Jơnum min djop djuai ania mơnuih mơnam Lao pơjing lŏn ia pơčrông sai kơ bruă pơtô ba mơnuih ƀon sang; tơlơi rô nao rai kơplah wah anom bruă  pơtô ba mơnuih ƀon sang Ping gah Cộng sản Việt Nam hăng Jơnum min djop djuai ania mơnuih mơnam Lao pơjing lŏn ia amăng thun blan laih rơgao hăng tŭ ư hơdră bruă ngă hrŏm pơ anăp anao. Dua bơnah tŭ ư kơtưn pơtrut bruă pơbưp nao rai djop anom bruă lơ̆m klin Covid-19 dưi pơgang hĭ; tŏ tui gum hrŏm amăng bruă pơtô pơblang, pơtrut pơsur abih bang mơnuih ƀon sang, sit biă ñu ƀing hlăk ai dua bơnah djă pioh hăng tŏ tui na nao gru grua giang mah hing ang, gum pơgôp yôm phiăn hăng ngă hrŏm djop mơta kơplah wah Việt Nam - Lao; hơngah hĭ hơdôm tơlơi pơčut pơčao mơng gah rơngiao kiăng kơ lăi sat kơ Ping gah, Kơnuk kơna hăng ngă sat tơlơi rô nao rai kơplah wah Việt Nam - Lao.

Siu Đoan: Pơblang