VOV4.Jarai-Tlam lơ 21/7, ƀơi sang jơnum pơ ala mơnuih ƀôn sang dêh čar, pơphun jơnum lok 58 Jơnum min git gai pơ ala mơnuih ƀôn sang dêh čar. Jơnum amăng 3 hrơi, lu boh yôm phun amra pơčrông sai amăng tal jơnum anai. Ƀơi mông jơnum, Khul pơphun bruă ruah khua dêh čar amra lăi pơthâo boh tơhnal pơtong glăi kơnuih ƀing pơ ala mơnuih ƀôn sang dêh čar tal 15.

Giong anun, Jơnum min git gai pơ ala mơnuih ƀôn sang dêh čar pơgôp hiăp kơ bruă mă, mrô ding kơna amăng kơnuk kơna rơwang bruă thun 2021-2026; kơ bruă mă ruah khua mua pioh pơdah thâo ƀing pơ ala mơnuih ƀôn sang ĕp glăi, jơnum lok sa, tal 15. Jơnum min git gai pơ ala mơnuih ƀôn sang dêh čar ăt pơgôp hiăp kơ jơlan hơdră tuh pơ alin mơ̆ng Hơdră dêh čar pơkă man pơdong plơi pla phrâo mơ̆ng thun 2021-2025 laih anun tuh pơ alin mơ̆ng Hơdră dêh čar djru pơhrŏ ƀun rin hăng pơhlôm brơi tơlơi hơdip mơda mơnuih ƀôn sang hơđong kjăp mơ̆ng thun 2021-2025; čih pơkra Hră pơtrun pơsỉ prăk kăk kơ Group Ia jâo Việt Nam lơ̆m tla prăk pơhlưh nua blơi gơnam mơ̆ng Kơčăo bruă Hrong ia jâo Nghi Sơn.

Nay Jek: Pơblang