VOV4.Jarai-Hăng akŏ bruă “Kơtưn tơlơi jĕ giăm ngă hrom sang bruă khua pơ ala mơnuih ƀôn sang dêh čar yua anŏ pơđĭ kyar hơđong kjăp laih anun bong glăi tơlơi rung răng klin covid 19 amăng kual jơlan guai tơkuh klâo akiăng dêh čar Kur-Lao-Việt Nam, mơguah lơ 23/9, Jơnum lok 8 Jơnum min pơtom hiăp anom bruă khua pơ ala mơnuih ƀôn sang klâo boh dêh čar Kur-Lao-Việt Nam kơ bruă pơđĭ kyar kual lŏn akiăng 3 bơnah dêh čar, yua kơ khua pơ ala mơnuih ƀôn sang dêh čar Kur pơphun tui hơdră lăng nao rai amăng tivi.

Grup khua mua mơ̆ng jơnum min pơtom hiăp dêh čar Việt Nam yua kơ Vũ Hải Hà, Khua Jơnum min ngă khua khul nao jơnum. Jơnum anai mông gêh găl ngă hrom tơlơi phiăn yôm kah pơpha nao rai tơlơi thâo thăi hăng pơsir tơlơi lông lăng kiăng pơtrut, djru klâo kơnuk kơna dêh čar man pơdong sa boh kual ƀơi klâo akiăng pơđĭ kyar pơdrong asah, biă mă ñu rŭ glăi anŏ bơbeč djơ̆ mơ̆ng klin covid 19 ngă kơ tơlơi bơwih ƀong huă hăng hơdră ĕp ƀong huă mơ̆ng mơnuih ƀôn sang amăng kual, laih dơ̆ng pơtrut ngă bruă glăi hmar hloh kơñ pơgi.

Nay Jek: Pơblang