VOV4.Jarai - Amăng mông jơnum lok 57 mơng Jơnum min apăn bruă Khua pơ ala mơnuih ƀon sang dêh čar, pơgôp hiăp kơ bruă lăng glăi tơlơi tŭ yua lơ̆m ngă tui akŏ bruă pơđĭ kyar bơwih ƀong huă - mơnuih mơnam hăng ngăn drăp kơnuk kơna 6 blan thun 2021 pơphun lơ 15/6, ƀing ding kơna amăng Jơnum min rơkâo: Hră lăi pơthâo mơng Kơnuk kơna kiăng kơ lăng glăi tong ten dong bruă mă yua rơnoh prăk djru 62 rơbâo klai brơi ƀing mơnuih bơbeč nao kơtang mơng klin Covid-19 kah hăng hơdôm rơnoh prăk djru pơkŏn, mơng anun ngă akŏ amăng bruă pơtrun hơdră djru pơkŏn dong pơ anăp anai. Đĭ pơhiăp amăng mông pơđut jơnum lok 57 mơng Jơnum min apăn bruă Khua pơ ala mơnuih ƀon sang dêh čar, ơi Vương Đìng Huệ rơkâo: tơdơi kơ mông jơnum anai, djop anom bruă, khul grup bơdjơ̆ nao ječ ameč kơsem min, hmư̆ tơlơi pơgôp hiăp amăng rĭm bruă amăng hơdôm lok pơphun jơnum kiăng kơ čih pơkra hră pơ-ar hăng prap lui mmonjg jơnum lok sa Khua pơ ala mơnuih ƀon sang dêh čar tal XV. Jơnum min apăn bruă Khua pơ ala mơnuih ƀon sang dêh čar ăt pơsit ngă pơgiong abih bruă ruah mơnuih apăn bruă laih anun ngă tui bruă pơkŏn dong amăng jơnum lok sa Khua pơ ala mơnuih ƀon sang dêh čar tal XV.

Siu Đoan: Pơblang