VOV4.Jarai - Tŏ tui hơdôm hrơi jơnum lok 6, tlam lơ 9/12, Jơnum min apăn bruă Khua pơ ala mơnuih ƀon sang dêh čar pơgôp hiăp amăng akŏ bruă pơjing hơdră mă yua prăk kak kiăng kơ djru amăng bruă hơkrŭ glăi hăng pơđĭ kyar bơwih ƀong huă -mơnuih mơnam. Akŏ bruă anai lĕ bruă yôm phun hăng kiăng ngă hloh ră anai. Sa, dua boh tơhnal hlâo anun hơmâo Khua pơ ala mơnuih ƀon sang dêh čar  jao brơi Jơnum apăn bruă Khua pơ ala mơnuih ƀon sang dêh čar sem lăng. Tal anai Hơdră bruă hơkrŭ glăi hăng pơđĭ kyar bơwih ƀong huă - mơnuih mơnam gah rơngiao boh tơhnal amăng hơdôm akŏ bruă 5 thun 2021-2025 hơmâo Khua pơ ala mơnuih ƀon sang dêh čar tŭ yap anun lĕ: Akŏ bruă pơđĭ kyar bơwih ƀong huă - mơnuih mơnam, akŏ bruă yua ngăn drăp, akŏ bruă tuh pơ alin thun blan gap ƀrô, akŏ bruă čan hăng tla hnưh amăng thun blan gap ƀrô. Amăng thun blan klin dŏ ngă tơnap tap, hơdôm rơnoh prăk djru anai amra hơkrŭ glăi tơlơi bơwih ƀong huă. Rơnoh prăk djru anai amra mă yua amăng 2 thun. Lơ̆m anun, thun 2022 đing nao hơkrŭ glăi, mơ̆ thun 2023 amra đing nao pơsur pơđĭ kyar kơtang. Rơnoh prăk kak djru amra hyu čan hăng tla glăi, samơ̆ kiăng pơhlôm lăp djơ̆ hăng tŭ yua amăng bruă bơwih ƀong huă.

Siu Đoan: Pơblang