VOV4.Jarai - Amăng rơwang jơlan hơdră Jơnum lok 2 mơng Jơnum min apăn bruă Khua pơ ala mơnuih ƀôn sang dêh čar ta, hmâo pel ĕp laih tơlơi rơkâo lăng tui mơng Khul apăn bruă djuai ania kơ bruă pơkă pha kual čư̆ siăng, kual kơdư dlông amăng wai lăng Kơnuk kơna ră anai. Khua Ding jum, Khua Jơnum min djuai ania Hầu A Lềnh brơi thâo: Lom Khua pơ ala mơnuih ƀôn sang mă yua Tơlơi pơtrun pơsit 88 pơsit Akŏ bruă abih bang pơđĭ kyar bơwih ƀong – mơnuih mơnam kual neh wa djuai ania ƀiă dô̆ hăng kual čư̆ siăng mơng thun 2021-2030, Khua dêh čar ta hmâo mă yua laih Tơlơi pơsit 33 kơ tơhnal pơkă kual neh wah djuai ania ƀiă hăng kual čư̆ siăng tui bôh thâo pơđĭ kyar rơwang mơng thun 2021-2025, amăng anun hmâo pơkă, hơdôm bôh să dŏng amăng kual čư̆ siăng hăng kual kơdư dlông leng kơ hmâo amăng hră čih anăn Tơhnal pơkă, samơ̆ gah tơlơi phiăn akă hmâo Tơlơi pơtrun pơsit pơ ala nao ôh. Jơnum min djuai ania rơkâo Jơnum min apăn bruă Khua pơ ala mơnuih ƀôn sang jao kơ Khul wai lăng bruă djuai ania, Jơnum min djuai ania hăng hơdôm ding jum, gơnong bruă bơdjơ̆ nao pel ĕp glăi tơlơi phiăn, pơsit glăi bruă pơkă pha kual čư̆ siăng, kual kơdư dlông tŏng ten hloh kiăng pơhrua nao bruă pơkă pha hơdôm bôh să tui bôh thâo pơđĭ kyar./.

Siu H’ Prăk: Pô pơblang