VOV4.Jarai - Gum pơhiăp kơ bruă prăp lui tal jơnum ƀu hmâo pơkă hlâo mơng Khua pơ ala mơnuih ƀôn sang dêh čar ta tal 15, Jơnum min apăn bruă Khua pơ ala mơnuih ƀôn sang dêh čar ta lăi rơđah khom pơhlôm anô̆ klă, pơhlôm tơlơi rơkâo ba tơbiă anun kah mơng pơphun tal jơnum. 4 bôh yôm pơkă hlâo lăi pơthâo kơ Khua pơ ala mơnuih ƀôn sang amăng tal jơnum ƀu pơkă hlâo, hmâo: Rơwang bruă Tơlơi phiăn pơplih pơkra, pơhrua nao dong sa dua mơta tơlơi mơng sa dua tơlơi phiăn; Rơwang bruă mă pơkra jơlan đuăi hmar Pơngŏ – Dơnung gah ngŏ rơwang 2021-2025; Hră lăi pơthâo mơng Kơnuk kơna kơ hơdră pơkă, hơdră bruă prăk kak kiăng djru hmao tlôn pok pơhai Jơlan hơdră hơkrŭ glăi hăng pơđĭ kyar bơwih ƀong – mơnuih mơnam; Hră čih pơkra Tơlơi pơtrun pơsit pơhô hlâo sa dua hơdră pơkă, hơdră bruă gum djru pha ra pơđĭ kyar ƀôn prong Cần Thơ. Khua ding jum, Khua Anom bruă Kơnuk kơna Trần Văn Sơn brơi thâo: 4 bôh yôm ră anai hmâo djop gru than lăi pơthâo kơ Khua pơ ala mơnuih ƀôn sang. Amăng mông jơnum, Khua git gai wai lăng pơ ala mơnuih ƀôn sang dêh čar ta ơi Vương Đình Huệ rơkâo Kơnuk kơna hăng hơdôm ƀirô mơng Khua pơ ala mơnuih ƀôn sang gum hrom kơjăp kiăng tŭ ư hrom tơlơi pơmin. Lom Jơnum min apăn bruă Khua pơ ala mơnuih ƀôn sang dêh čar ta hăng Kơnuk kơna tŭ ư hrom prong, lăi pơthâo Khua pơ ala mơnuih ƀôn sang amra hmâo tơlơi tŭ ư hrom prong. Pơhiăp amăng mông pơđut tal bruă jơnum lok 6, Khua git gai wai lăng pơ ala mơnuih ƀôn sang dêh čar ta brơi thâo: Jơnum min apăn bruă Khua pơ ala mơnuih ƀôn sang dêh čar ta tŭ ư hrom hơdră pơtrun pơphun tal jơnum ƀu lăi pơthâo hlâo mơng Khua pơ ala mơnuih ƀôn sang tal 15, khă hnun hai, khom pơhlôm kơjăp bôh yôm lăi pơthâo ƀơi mông mă bruă Khua pơ ala mơnuih ƀôn sang./.

Siu H’ Prăk: Pơblang