VOV4.Jarai -  Pơhiăp amăng mông pok phun mông Jơnum lok 4 mơng Jơnum min apăn bruă Khua pơ ala mơnuih ƀôn sang amăng mơguah lơ 11/10, Khua git gai wai lăng pơ ala mơnuih ƀôn sang dêh čar ta ơi Vương Đình Huệ lăi rơđah hơdôm bôh yôm dưi gum pơhiăp amăng mông jơnum. Lăp đing nao, amăng mông jơnum anai, Jơnum min apăn bruă Khua pơ ala mơnuih ƀôn sang ăt gum pơhiăp mơn kơ Kơčăo bruă dăp glăi hơdră bơwih ƀong mơng thun 2021-2025; pơkă kual mă yua lŏn dêh čar ta mơng thun 2021-2030, tơhnal lăng truh thun 2050 hăng kơčăo bruă mă yua lŏn 5 thun (2021-2025).

Pok phun jơnum lok 4 mơng Jơnum min apăn bruă Khua pơ ala mơnuih ƀôn sang dêh čar

Mông jơnum ăt gum pơhiăp mơn kơ bruă prăp lui tal jơnum lok 3, amăng anun hmâo bruă ba tơbiă sa dua pơplih phrâo, pơkra glăi mă yua amăng tal jơnum lok 2 hăng bruă pơphun bruă tơña hăng lăi glăi tơlơi tơña amăng tal jơnum. Amăng tơlơi lăi pơthâo ruah mă tơlơi gum pơhiăp, rơkâo đĭ mơng mơnuih ƀôn sang mơ-ĭt kơ tal jơnum lok 2, mơnuih ƀôn sang čang rơmang khom tơpă lăng nao tơlơi tơpă sit, mă tŭ tơlơi găn rơgao dơlăm hăng sa dua bôh yôm črâo ba akă djơ̆ hăng bôh nik, kơƀah tơlơi pơlir hơbit, hơdôm bruă dô̆ luk puk, kaih, dô̆ tơguan sa anih. Čang rơmang Kơnuk kơna, hơdôm bôh tơring čar, ƀôn prong ngă gal brơi bruă ba hyu gơnam tam, dŭ pơgiăng gơnam man pơdŏng, kiăng pơhlôm djă pioh bruă bơwih ƀong huă, sĭ mdrô./.

Siu H’ Prăk: Pô pơblang