VOV4.Jarai - Lơ 29/6, ƀơi Hà Nội, Jơnum min apăn bruă Jơnum min djop djuai ania mơnuih mơnam dêh čar Việt Nam pơphun Jơnum lăng nao rai amăng tivi pok pơhai, pơhrăm dua akô̆ bruă lăng tui amăng thun 2021; “Lăng tui bruă tŭ jum mơnuih ƀông sang hăng pơsir tơlơi ƀom kiơng hăng Khua Jơnum min mơnuih ƀôn sang hơdôm gưl” hăng “Lăng tui mơnuih apăn bruă, mơnuih ping gah hăng bruă mă mơng mơnuih apăn bruă”. Amăng tal lăng tui đơ đam dêh čar, akô̆ bruă lăng tui tŭ jum mơnuih ƀôn sang hăng pơsir tơlơi ƀom kiơng, glông bruă Jơnum min djop djuai ania mơnuih mơnam dêh čar hơdôm gưl amra đing nao bruă lăng tui tŭ jum mơnuih ƀôn sang hăng pơsir tơlơi ƀom kiơng hăng Khua Jơnum min mơnuih ƀôn sang hơdôm gưl amăng đơ đam dêh čar. Hăng akô̆ bruă “Lăng tui mơnuih apăn bruă, mơnuih ping gah hăng bruă mă mơng mơnuih apăn bruă”, Jơnum min djop djuai ania mơnuih mơnam dêh čar hơdôm gưl amra lăng tui bruă ngă tui hơdôm tơlơi pơkă kơ bruă mơnuih apăn bruă; lăng tui bruă ngă tui hơdôm tơlơi pơkă kơ lăi pơdah, lăi pơthâo kông ngăn hăng mơnuih apăn bruă, mơnuih mă bruă čar mơng hơdôm gưl ping gah, khul mă bruă Ping gah hăng gong gai, ƀirô mă bruă čar hơdôm gưl; lăng tui mơnuih apăn bruă, mơnuih ping gah ƀơi anih anom dô̆...

Siu H’ Prăk: Pô pơblang