VOV4.Jarai - Sit nik anăp nao Tơlơi iâu pơthưr mơng Khua git gai Ping gah dêh čar ta ơi Nguyễn Phú Trọng hăng tơlơi črâo ba mơng khua git gai Ping gah, Kơnuk kơna, Jơnum min djop djuai ania mơnuih mơnam dêh čar Việt Nam phrâo hmao tlôn djru 1 klăk 700 rơbâo anung asơi dưm dưm hăng hăng mrô prăk 51 klai prăk mơng prăk tŭ mă tơlơi gum djru pơgang, pơgăn klin Covid-19 kiăng djru hrom hăng hơdôm bôh tơring čar, ƀôn prong gah Dơnung dêh čar glăk ngă tui dô̆ čơlah mơnuih mơnam tui Tơlơi črâo ba mrô 16 mơng Khua dêh čar. Mrô prăk anai amra djru rim anung asơi dưm dưm hăng 30 rơbâo prăk kơ 17 bôh tơring čar, ƀôn prong hmâo anăn ƀơi yŭ anai: Đồng Nai, Cần Thơ, Bình Phước, Tây Ninh, Bà Rịa - Vũng Tàu, Tiền Giang, Long An, Vĩnh Long, Đồng Tháp, Bến Tre, Hậu Giang, An Giang, Bạc Liêu, Sóc Trăng, Trà Vinh, Cà Mau, Kiên Giang. Hơdôm anung asơi anai amra dưi hmâo hơdôm bôh tơring čar, ƀôn prong djru kơ hơdôm mơnuih ƀu hmâo anih gơnang, bưp tơnap yua kơ dô̆ čơlah hơbit, dô̆ čơlah mơnuih mơnam mơ̆ ƀu djơ̆ gah čơkă mă hơdră hmâo pơsit./.

Siu H’ Prăk: Pô pơblang