VOV4.Jarai - Ƀơi anăp kơ tơlơi tơnap tap mơng klin Covid-19, lơ 29/7, mơng rơnoh prăk gum pơgôp, Jơnum min djop djuai ania mơnuih mơnam Việt Nam hơmâo kah pha 46 klai prăk djru amăng bruă pơgang klin Covid-19 hăng pơgôp amăng Keh prăk blơi vaccine Covid-19. Sit biă ñu, Jơnum min djop djuai ania mơnuih mơnam Việt Nam hơmâo kah pha 23 klai prăk mơng rơnoh prăk pơgôp mơng Grup Panko hăng Jơnum min djop djuai ania mơnuih mơnam Việt Nam ƀôn prong Hồ CHí Minh kiăng kơ djru pơgang klin Covid-19 amăng ƀôn prong; kah pha prăk djru Sang ia jrao pơjrao ƀing čơđai hăng nua ñu 1 klai 500 klăk prăk laih dong anom bruă ia jrao plơi prong Thuận An, tơring čar Bình Dương hăng nua ñu 1 klai 500 klăk kiăng kơ blơi gơnam tam măi mok pioh pơgang klin hăng djru brơi ƀing nai ia jrao, ơi ia jrao glăk pơjrao brơi ƀing mơnuih ƀă klin Covid-19. Laih dong kah pha 20 klai prăk kơ Keh prăk blơi vaccine pơgang klin Covid-19 yua Ding jum prăk kak wai lăng. Truh ră anai, mrô prăk mơng Jơnum min djop djuai ania mơnuih mơnam Việt Nam jao kơ Keh prăk blơi vaccine Covid-19 truh pơ 1 rơbâo 043 klai prăk laih.

Siu Đoan: Pơblang