VOV4.Jarai - Lơ 13/10, Kơ-iăng khua khul apăn bruă Jơnum min djop djuai ania mơnuih mơnam Việt Nam, Trương Thị Ngọc Ánh hơmâo kĭ hră kah pha mrô prăk 8 klai prăk kiăng kơ djru brơi mơnuih ƀon sang glăi mơng kual hơmâo klin Covid-19, anai lĕ ƀing mơnuih glăi mơng Sóc Trăng, An Giang, Đồng Tháp, Kiên Giang, Bình Định dong mơng lơ 1/10/2021. Tui anun, djru brơi tơring čar Sóc Trăng 2 klai prăk, tơring čar Bình Định 1 klai prăk. Ƀing mơnuih djru lĕ ƀing glăi pơ plơi pla mơng kual mơnuih klin Covid-19: ƀôn prong Hồ Chí Minh, Bình Dương, Đồng Nai, Long An glăk bưp tơnap hăng pơčlah mơnuih mơnam, amăng anun đing nao djru brơi mơnuih djuai ania ƀiă, čơđai drit druai, ƀing tha rơma bơbeč mơng klin Covid-19. Rơnoh prăk djru mơnuih ƀon sang glăi mơng kual hơmâo klin Covid-19 lĕ 300 rơbâo prăk sa čô mơnuih. Hrơi mông glăi pơ plơi pla dưi tŭ mă tơlơi djru dong mơng lơ 1/10/2021.

Siu Đoan: Pơblang