VOV4.Jarai - Tŏ tui mông jơnum lok 6, mơguah lơ 10/12, pơgôp hiăp kơ bruă tuh pơ plai prăk pơkra jơlan rơdêh pơđuăi hmar Kơdư - Dơnung gah Ngŏ rơwang thun 2021-2025, Jơnum min khua apăn bruă git gai pơ ala mơnuih ƀon sang dêh čar kiăng pơtŏng glăi hăng lăi pơthâo rơđah hloh hơdră pơkra jơlan hơmâo 4 glông rơdêh pơđuăi rơhaih 24,75 m pơhmu hăng 4 glông rơdêh pơđuăi rơhaih 17m, đah mơng pơhlôm anŏ klă amăng bruă mă yua. Jơnum min khua git gai pơ ala mơnuih ƀon sang dêh čar tŭ ư pơdah thâo kơ Khua mua pơ ala mơnuih ƀon sang dêh čar sem lăng pơsit brơi prăk pơkra abih bang kơčăo bruă hăng prăk kơnuk kơna. Laih dong dưm dăp glăi akŏ bruă tuh pơ plai pơkra jơlan sui găp ƀrô đah mơng thâo mă yua prăk kăk pioh pơkra jơlan rơdêh pơđuăi hmar Kơdư - Dơnung kual Ngŏ rơwang thun 2024-2025. Pơdah pơƀuh kơ Khua mua pơ ala mơnuih ƀon sang dêh čar jao glăi kơ Jơnum min apăn bruă git gai pơ ala mơnuih ƀon sang dêh čar sem lăng, pơsit pơplih bruă mă yua glai mơng kơčăo bruă amăng hră lăi pơthâo kơsem min dưi ngă.

Ăt amăng lơ 10/12 mơn, Jơnum min khua apăn bruă git gai pơ ala mơnuih ƀon sang dêh čar pơgôp hiăp kơ bruă prăp lui jơnum ƀu lăi pơthâo hlâo mơng Ƀirô khua git gai pơ ala mơnuih ƀon sang dêh čar tal 15.

Siu H’Mai: Pơblang