VOV4.Jarai - Tŏ tui mông jơnum lok 4, lơ 13/10, Jơnum min khua apăn bruă git gai pơ ala mơnuih ƀon sang dêh čar pơgôp hiăp bruă prăp lui kơ mông jơnum lok 2, Khua git gai pơ ala mơnuih ƀon sang dêh čar ta 15; pơgôp hiăp kơ Tơlơi phiăn pơplih pơkra, pơhrua tui Phụ lục - Danh mục rơnoh pơkă jŭ yap dêh čar mơng Tơlơi phiăn jŭ yap; sem lăng pơsit pơhrua nao mrô him lăng hlâo prăk pơhrui, prăk mă yua mơng dêh čar tač rơngiao djru ba thun 2021 kơ tơring čar Quảng Nam. Lăp đing nao, Jơnum min khua apăn bruă git gai pơ ala mơnuih ƀon sang dêh čar pơgôp hiăp kơ bruă mă yua lŏn tơnah thun 2021-230, anăp nao pơ anăp truh thun 2050 hăng kơčăo bruă mă yua lŏn 5 thun 2021-2025.

Tui hăng tơlơi jao bruă, Khua mua git gai pơ ala mơnuih ƀon sang dêh čar lĕ anom bruă pơsit brơi bruă mă yua lŏn thun 2021 - 2030, anăp nao pơ anăp truh thun 2050. Čuk pơkra mă yua lŏn lĕ phun akha, abih bang, khŏm nao hlâo sa hơyak, ngă atur kơ bruă čuk pơkra amăng djŏp bruă mă, čuk pơkra lŏn tơnah amăng kual amăng ƀơi plơi pla. Mă yua lŏn tơnah kiăng pơgang, djă bong lŏn pioh ngă pơdai lăp djơ̆, pơhlôm hơmâo djŏp braih huă; lŏn glai pơgang tơlơi truh, lŏn glai hơmâo mơng hơđăp kiăng pơgang ba anih anom, pơgang tơlơi pơplih ayuh hyiăng.

Siu H’Mai: Pơblang