VOV4.Jarai - Tŏ tui mông jơnum lok 3, mơguah lơ 14/9, pơgôp hiăp kơ tơlơi lăi pơthâo glăi bruă mă thun 2021 hăng akŏ bruă jŭ yap prăk kăk thun 2022 mơng Anom bruă jŭ yap prăk Kơnuk kơna, Jơnum min khua apăn bruă pơ ala mơnuih ƀon sang dêh čar kiăng Anom bruă jŭ yap Prăk Kơnuk kơna pơƀut jŭ yap glăi bruă jak iâu pơčruh prăk, kah pơpha prăk, hăng mă yua prăk djru pioh pơgang klin Covid-19. Ƀơi mông jơnum, Khua git gai pơ ala mơnuih ƀon sang dêh čar ơi Vương Đình Huệ kiăng lăi pơthâo rơđah rơđông bruă jŭ yap prăk kăk đah mơng djơ̆ tơlơi phiăn, djơ̆ hơdră ngă bruă. Kơ akŏ bruă jŭ yap prăk thun 2022, Khua git gai pơ ala mơnuih ƀon sang lăi tơlơi kiăng yôm phun ăt hơkrŭ kơjăp tơlơi bơwih ƀong huă prong, pơhlôm djơ̆ tơlơi phiăn gah prăk kăk, pơhlôm hơđong prăk dong hnưh kơ kơnuk kơna, pơsir hnưh ƀu anăm tla mơng hơdôm sang bruă prăk; pơƀut ngă rơđah rơnoh prăk, anŏ klă mơng sang bruă prăk, biă ñu lĕ prăk pioh pơplih phrâo prăk blan.

Siu H’Mai: Pơblang